#生蠔 , 營養豐富, 真係好多人都鍾意, 我同麻甩熊都唔例外, 今次朋友介紹黎到呢間係 #銅鑼灣 既 @oysterstation , 呢道環境好靚, 岩曬傾計, 當然重點仲有好多唔同產地既蠔可以選擇, 全部都好新鮮好正呀^^ 店員又好細心推介唔同蠔既產地, 非常貼心 黎到一定唔可以錯過店舖推廣既 Prat-ar-Coum oyster , 係黎自法國既蠔, 係賣緊$10/1隻咋, 超級抵食, 食起黎好新鮮, 好鮮甜, 仲有好少少既海水味, 真係好正, 多多都食得到呀, 又抵食又好食, 千其唔好錯過, 之後我地仲另外叫左, 半打 Pacific Rock , 呢個蠔又有唔同食法, 蠔肉超厚身, 好飽滿, 食起黎好Juicy 又夠 creamy , 仲有好甘甜既鮮味, 真係超級正, 我就超鍾意食喇, 除左蠔, 呢道仲有其他熱食架, 我地就試左個Pepperoni Pizza , 係脆底Pizza , 餅底好薄好脆口, 芝士同Pepperoni 份量都好多, 平時啲Pizza 上既Pepperoni都會有啲乾身, 呢道仲有有厚度, 好有口感好好食

行過旺角, 見到呢間好似新既刀削麵, 就忍唔住入去試下, 有啲一讚係枱都有個醃蘿蔔, 自己夾左出黎試下, 唔太酸, 蘿蔔都好爽甜, 好好食 我地叫左兩款, 分別係 #花雕醉雞刀削麵 花雕酒味都唔算太濃烈, 合到好處, 唔會太苦, 食起黎啲雞好滑, 連雞皮食起黎好都好爽脆, 一啲都唔覺得有肥膩感, 另外, 雞份量都好多, 都有一份【例牌】份量, 絕對唔係得一兩件果啲, 都非常抵食, 另外仲有一隻花雕浸蛋, 好入味, 好食 🌻🌻🌻🌻🌻 我都幾喜歡食佢個刀削麵, 食起黎煙煙韌韌好有咬口, 唔會太過淋, 因為每條厚道不一, 好似真係人手製作, 好好味 🌻🌻🌻🌻 #過橋刀削麵 呢個麵非常足料, 好多餸, 包括魚蛋, 墨丸, 貢丸, 牛丸, 豬肚, 豬耳及雞絲, 有配有一個秘製醬, 食起黎少少麻辣,刀削麵又索埋個湯變得好惹味 ,整體都唔錯 🌻🌻🌻 飲品叫左 #阿華田脆脆 好濃味, 脆脆又夠多, 好好飲, 另外叫左#凍奶茶, 就比較似珍珠奶茶果隻茶底, 比較偏同淡, 感覺如果襯返珍珠可能會夾啲 ————— 銘興山西刀削麵 (旺角) 旺

講起泰國野，我都好鍾意黎呢間 #泰發， 不過佢無得訂座，一定要去等位，同埋一定要人齊先可以入座，證明佢呢間野真係幾得架，好多人都黎幫襯佢，想食佢就要早啲黎拎籌喇 ^^ 我地叫左幾個餸包括； #泰式小食拼盤 入面有曬幾款常叫小食，包括： #串燒 #恐龍蛋 （#炸皮蛋）#魚餅 #春卷 #香茅蝦餅 岩曬心多既你，一次過可以滿足曬想食既野，不過我最欣賞係個恐龍蛋同埋個串燒，因為個死恐龍蛋好足料，加上出面包住一個蝦膠好彈牙好好味， 另外係個串燒沙嗲醬真係好好味，有好香既花生味，只要每樣野食沾左個沙嗲醬就會好味培增絕對好食 #黃咖喱雞 ＋ #蒜蓉包 無敵既組合，食佢咖喱一定要加返個蒜蓉包， 佢個咖喱汁有好超多，唔辣又夠香，咖喱汁中加左蛋令到味道提升左好多，另外，咖喱有好多配料包括青椒，洋蔥等，用蒜蓉包沾黎食又得，就咁食又非常脆口，同埋蒜蓉味都非常濃，愈食愈想食呀 #酸辣海鮮湯 呢個同冬蔭公唔同，老闆娘話分別係#酸辣海鮮湯 相對地清啲，無咁濃味，我地就係鍾意佢辣味唔太攻，飲落唔算太辣，比較清，同埋佢入面其實都好足料，有蝦有海鮮，相對地易入口啲 ————— 泰發

今日約左朋友再食呢間係尖沙咀既烤魚同打邊爐 小魚兒 Little Fish 店員仲好細心俾個籃我地放袋話怕整污租, 真係好貼心呀。 我地一同四人叫左一個魚鍋🐠， 魚我地揀左 #江團魚， 因為我地都唔太食得辣, 所以湯底我地叫左 #豆品三重奏秘製醬香豆花 ，好好味呀，真係不得了😋 個魚鍋黎到店員好貼心話水滾3分鐘後食得，真係唔係講笑，真係好好食👍🏾，本身條魚似少少煎過，令到魚味更香濃，勁香，食落魚脂豐富，魚皮有超多魚油連同每一啖魚肉都好滑，同埋食落感覺少少起膠，好有骨膠原感覺， 岩曬女仔食啦~ ♥️🌻🌻🌻🌻🌻 湯底配菜有豆卜, 豆皮, 蒜頭同洋蔥等, 仲有配埋好香濃秘製麵豉醬， 魚肉同配料都索曬個湯味, 好惹味又唔會太鹹， ♥️真心正 , 食到底, 仲有驚喜, 有啲寛既薯粉係魚底, 食落好煙韌, 又索曬啲魚味同湯, 係勁好味, 正🌻🌻🌻🌻🌻 之後點少得加個湯底打邊爐, 我地叫左 #鴨血 #炸午餐肉 #黑豚肉 #蓮藕 #炸魚皮 , 真係不得了, 鴨血好新鮮一啲都唔膻，食起黎有啲彈口同實， 唔似一般食果啲一夾就散開，要黎打邊